Carlos Rubiera vuelve a dicir non a usar l’asturianu con normalidá nes actividaes de la so Conceyalía de Xixón
La propuesta d’Iniciativa pol Asturianu,“compromisu de billingüismu” presentada nel Conseyu Asesor de la Llingua que nun suponía nin un euru d’inversión y ayudaría na normalización del asturianu, apoyáronla otres entidaes

12-Febrero-2015 Fuente: Nota d’Iniciativa pol Asturianu

Esti martes pasáu celebróse una nueva convocatoria del Conseyu Asesor de la Llingua Asturiana del Conceyu de Xixón. El representante d’Iniciativa pol Asturianu nesti muérganu, Inaciu Galán, presentó una nueva propuesta cola que pidieron al conceyal Rubiera qu’adoptara un compromisu de billingüismu pol que tolos materiales asoleyaos pol so departamentu apaecieren nes dos llingües, castellán y asturianu. Rubiera volvió a dicir non a esta propuesta.

Dende Iniciativa pol Asturianu llamentamos la postura de Rubiera, que pese a tener una trayectoria destacada en defensa de la llingua asturiana nel pasáu, nestos cuatro años nun dio un solu pasu na normalización de la llingua asturiana, siguiendo namás coles más qu’insuficientes acciones de promoción yá establecíes n’anteriores mandatos.

La propuesta d’Iniciativa pol Asturianu, a la que dieron el so sofitu cola so firma los representantes d’otres entidaes nel Conseyu Asesor, Berto Peña, presidente de l’asociación cultural L’Arribada, y Montse Blanco, represenantes de Reciella, families pol asturianu, nun supondría nin un euru de gastu estraordinariu pa la Conceyalía d’Educación, Cultura, Festexos y Universidá Popular, yá que, como se recuerda nel documentu “los materiales asoleyaos, impresos nuna llingua o dos, salvo que mos indique lo contrario’l Sr. Rubiera, tienen el mesmu preciu” y la torna d’estos materiales puede asumila la Oficina de Normalización Llingüística cola que cunta la Conceyalía.

La propuesta refugada pol conceyal Rubiera ta dientro del marcu llegal y respuende al mandatu de les Ordenances Municipales de Normalización Llingüística de Xixón aprobaes pol plenu nel añu 2008 y ensin llevar alantre dende entós, “namás ye preciso tener la voluntá política de facelo y nun queremos pensar que nun la tien”, recordó’l representante d’Iniciativa pol Asturianu a lo llargo de la so intervención.

Iniciativa pol Asturianu dio tamién el so sofitu a la propuesta fecha nel Conseyu pa que se-y pida al plenu del Conceyu de Xixón qu’emita una declaración institucional que solicite a la Conseyería d’Educación d’Asturies y tamién al Ministeriu d’Educación qu’acaben por solucionar esta reclamación hestórica. Agora falta conocer si los grupos políticos presentes nel plenu (PSOE, FORO, PP ya IX) sofiten esta iniciativa, yá que ye necesariu’l consensu pa poder sacala alantre.

Castellano

Carlos Rubiera vuelve a dicir no a la propuesta de Iniciativa pol Asturianu de comprometerse a usar el asturiano con normalidad en las actividades de su Concejalía
La propuesta “compromisu de billingüismu” presentada en el Conseyu Asesor de la Llingua que no suponía ni un solo euro de inversión, ayudaría en la normalización del asturiano, la han apoyado otras entidades.

Este martes pasado se ha celebrado una nueva convocatoria del Conseyu Asesor de la Llingua Asturiana del Conceyu de Xixón. El representante de Iniciativa pol Asturianu en este órgano, Inaciu Galán, ha presentado una nueva propuesta con la que han pedido a el concejal Rubiera que adoptara un compromiso de bilingüismo por el que todos el materiales publicados por su departamento aparecerían en las dos lenguas, castellano y asturiano. Rubiera ha vuelto a decir no a esta propuesta.

Desde Iniciativa pol Asturianu lamentamos la postura de Rubiera, que pese a tener una trayectoria destacada en defensa de la lengua asturiana en el pasado, en estos cuatro años no ha dado un solo paso en la normalización de la lengua asturiana, siguiendo solamente con las más que insuficientes acciones de promoción ya establecidas en anteriores mandatos.

La propuesta de Iniciativa pol Asturianu, a la que han dado su apoyo con su firma los representantes de otras entidades en la Conseyu Asesor, Berto Peña, presidente de la asociación cultural L’Arribada, y Montse Blanco, represenantes de Reciella, families pol asturianu, no supondría ni un euro de gasto extraordinario para la Concejalía de Educación, Cultura, Festejos y Universidad Popular, ya que, como se recuerda en el documento “los materiales publicados, impresos en una lengua o dos, salvo que nos indique lo contrario el Sr. Rubiera, tienen el mismo precio” y la traducción de estos materiales puede asumirla la Oficina de Normalización Llingüística con la que cuenta la Concejalía.

La propuesta rehusada por el concejal Rubiera está dentro del marco legal y responde al mandato de las Ordenanzas Municipales de Normalización Lingüística de Xixón aprobadas por el pleno en el año 2008 y sin llevar adelante desde entonces, “solo es necesario tener la voluntad política de hacelo y no queremos pensar que no un la tiene”, ha recordado el representante de Iniciativa pol Asturianu a lo largo de su intervención.
Iniciativa pol Asturianu ha dado también su apoyo a la propuesta hecha en el Conseyu para que se le pida al pleno del Conceyu de Xixón que emita una declaración institucional que solicite a la Conseyería d’Educación de Asturies y también al Ministerio de Educación que acaben por solucionar esta reclamación histórica. Ahora falta conocer si los grupos políticos presentes en el pleno (PSOE, FORO, PP e IX) apoyan esta iniciativa, ya que es necesario el consenso para poder sacarla adelante.

Artículos y temas relacionados

Sección noticias de Gijón