Fábrica de cemento y obres nel Altu Aboño -Semeya AsturiasVerde.com-

El proyeutu en sí ye una ampliación del proyeutu de Payares de 2005, pa facer una esplanación con voladures nos terrenos de Tudela Veguín, averaos a los que ya tienen concedía la llicencia. Compriende una superficie de 45.000 m2, con un volumen de desmonte de 320.180 m3, de los qu'una parte importante pueden usase na esplanada d’El Musel.

Dende UNIDÁ NACIONALISTA ASTURIANA camentamos que l’ampliación de la llicencia d’esplanación que se solicita al ayuntamientu, ye un desmonte encubierto del Altu d’Aboño, cuyu principal interés y fin, tamién ye consiguir material de rellenu pa la obra d’ampliación del puertu del Musel. Esto vien a ratifícalo'l que Tudela Veguín, nel documentu que presenta, en nengún momentu xustifica’l proyeutu, nin por una necesidá de la fábrica d'ampliar les instalaciones, nin la negativa a conceder la llicencia supón que se vaya impidir nenguna inversión o comprometer puestos de trabayu. Solamente se xustifica pol “interés social”, que ye mui discutible. Toos sabemos que finalmente, dempués de sacar el material pa rellenar el Musel, esti espacio será ocupao p'almacenar nueves montañes de mineral.

Finalmente, dende UNIDÁ NACIONALISTA ASTURIANA, proponemos que se faiga l'alternativa 0 que plantega nel Estudiu d’Impautu Ambiental, que ye “non facer l'ampliación de la esplanación”, y negarémonos na Comisión de Mediu Ambiente y d’Urbanismu a conceder la llicencia pal proyeutu.

Unidá Nacionalista Asturiana

Agrege esta noticia. Marcadores sociales

Opine en el blog