Artículos relacionados

Parque infantil, ahora vacio, en la calle Carbayu
-Foto AsturiasVerde.com-

A día de güei, paez ser que'l problema ta en qu'Hidroeléctrica tien que retirar una columna de tendíu elléutricu, que se retrasa una y otra vegada, y que fai que la empresa constructora non pueda completar l'arreglu del Parque y l'asfaltáu de la cai.

Non ye xustificable que más de dos meses dempués de retirar los bancos, los xuegos infantiles y de llevantar el firme, esta zona de Candás siga nestes condiciones, y ún de los parques más usaos de Candás pola xente mayor y los rapacinos non pueda ser disfrutao dende fai más de tres meses.

Esta situación de suciedá na calzada, de falta de mobiliariu urbanu y de ser escesivamente permisivu coles empreses y constructores dase fundamentalmente nes obres del estrarradiu de Candás (La Matiella, Piñeres, Perán, etc). Entendemos que'l mesmu procuru y vixilancia que se tien nes cais y obres del centru de Candás, hai que tenelo coles obres de los barrios de les afueres, pa non crear vecinos de 1ª y de 2ª.

Por otru llau, dende UNIDÁ-Andecha Carreño siguiremos pidiendo al equipu Gobiernu qu'integre nel parque del Carbayu l'almacén situáu na zona del Manantial, ampliando los aparcamientos y la zona verde. Entendemos qu'esti almacén dexó d'usase porque incumple les medides de seguridá que s'esixen dende fai 2 años pa tolos manantiales y captaciones d'agua, y la única alternativa ye eliminalu y acondicionalu como zona verde.

Santi Artime. UNIDÁ-Andecha Carreño

Pies de foto Arias10Rojo