Instalaciones abandonadas de la Ciudad de Vacaciones de Perlora -Foto AsturiasVerde.com-

Dende UNIDÁ-Andecha Carreño, entendemos que la noticia del retrasu "nun mínimu de 14 menos" del entamu de les obres na C.V. Perlora ye una mala noticia pa Carreño, qu'últimamente solo recibe proyeutos incompatibles col desarrollu sostenible y altamente contaminantes: Regasificadora, ampliación del Puertu del Musel, Desmonte d'Aboño, nueves centrales de ciclu combináu, Incineradora en Serín, etc. Esti proyeutu, que ye interesante, ye compatible col entornu y que va crear un númberu importante de puestos de trabayu, sigue retrasándose, colos perxuicios que supón pal seutor turísticu y pa tolos vecinos/es de Carreño.

Non entendemos por qué hubo tanta priesa n'echar a los trabayadores de Perlora pa otros puestos, y agora'l PSOE ve normal y aceuta un retrasu mínimu que si ellos calculen en 14 meses, fácilmente llegará a los dos años.

Cuando'l Sr Rabanal suspendió la visita a Carreño prevista pal día 14 d'esti mes, nel que diba esplicar en qué situación taba la C.V. Perlora, alguna noticia mala d'esti tipu se barruntaba. Siguimos pidiendo, como ficimos dende UNIDÁ-Andecha Carreño nel Plenu Municipal del pasáu Xueves, que'l conseyeru d'Economía Sr Rabanal, fixe la fecha de la Reunión que tien pendiente en Carreño y s'aconceye colos portavoces de los grupos políticos, pa poder trasllada-y les entrugues y dudes que tenemos sobre la continuidá del Proyeutu.

A día de güei non sabemos por qué, si una de les condiciones iniciales pa optar a la xestión de la C.V. Perlora yera axustase al planeamientu en vigor, se quier agora camudar esti requisitu y quier cambiase la calificación urbanística. Na presentación pública que se fizo en Candás, con tola parafernalia y publicidá con que suel acompañase'l PSOE, nunca se dixo que yera necesario camudar les normes urbanístiques. Y si ye que yera así, si ya sabíen que facía falta camudar eses Normes Urbanístiques, ta claro que'l Principáu tien qu'acoyese a los trámites que s'esixen a cualquier vecín y qu'estipula la llei, y tien qu'haber un periodu d'esposición pública, d'alegaciones y de revisión y aceutación pol Ayuntamientu, que non se puede acortar.

Dende UNIDÁ-Andecha Carreño, entendemos que'l proyeutu tien qu'axustase a les proteiciones que fixa pa esta costa'l Plan d'Ordenación del Llitoral Asturianu (POLA), que ye quien controla que les actuaciones y les obres seyan paisaxista y ambientalmente respetuoses y acordes col entorno. Dende UNIDÁ-Andecha Carreño vamos esixir que se cumplan les restricciones que plantega'l POLA, y que siga siendo compatible col Plan d'Ordenación del Llitoral como lo yera nun principiu.

Por otru llau, si les obres na Ciudá de Vacaciones de Perlora non van entamar esti branu, esiximos al Principáu que mantenga les zones verdes y les playes en buenes condiciones (xardinería, llimpieza, aseos, etc). Tamién esiximos que se permita l'apertura de los servicios hosteleros de les playes, y que si dende'l Principáu non quieren organizalo, podríen cedese dende l'Ayuntamientu a organizaciones culturales y deportives del conceyu pa que lo esplotaren. Lo que tenemos mui claro y esiximos dende UNIDÁ-Andecha Carreño, ye que non puede repetise la situación del branu pasáu, nel que l'abandonu de les istalaciones y la falta de cuidaos nes playes y nel entornu fizo dar la vuelta pa casa a munchos visitantes.

Santi Artime. UNIDÁ - Andecha Carreño

Artículos relacionados

Sección La Ciudad de Vacaciones de Perlora

La Ciudad de Vacaciones de Perlora a la espera de un nuevo Gobierno del Principado de Asturias
La Ciudad de Vacaciones de Perlora pasó en pocos años de ser un lugar ejemplar para el ocio a un caos de problemas. Al final el hotel fue derribado a finales del 2005 y los chalets, edificios de servicios y algunas instalaciones deportivas permanecen en un lamentable estado de abandono

Sexo en la abandonada Ciudad de Vacaciones de Perlora
Según informa el periódico comarcal "El Faro" la abandonada Ciudad de Vacaciones de Perlora, concejo de Carreño, es utilizada para aventuras eróticas y contactos sexuales propagados en las Redes Sociales.

Alegaciones al PGO de Carreño presentadas por la asociación de vecinos de Perlora
Alegaciones al Plan General de Ordenación del concejo de Carreño presentadas por la Asociación de Vecinos "Rio Espasa" de la parroquia de Perlora, el 23 de agosto del 2010.

Video crónica en construcción una nueva senda por la costa y playas de Perlora
El Principado de Asturias construye un nuevo tramo de senda costera por el litoral de la Ciudad Residencial de Perlora, en el concejo de Carreño. El camino unirá la cala de Entrellusa con la bahía de Perán. El presupuesto es de 100.000 euros y es previsible que esté lista para primeros de año

En la Ciudad Residencial de Perlora se celebrará el XXVI Trofeo Club Náutico de Carreño de Cross
Domingo 9 de enero 2011, a partir de las 10:15 horas, en la Ciudad de Vacaciones de Perlora, concejo de Carreño

Cerrada al baño la playa de Carranques por culpa del vertido de combustible de un buque
El sábado estuvo cerrada al baño durante unas horas la playa de Carranques, por culpa de un vertido de combustible. Según los técnicos del Principado de Asturias el vertido procedía de uno de los buques situados en la zona de espera del Puerto de Gijón o El Musel

Paisajes y espacios naturales de Asturias
Playa de Carranques en Perlora concejo de Carreño

UNIDÁ Nacionalista Asturiana pide aclarar en que va cambiar el proyeutu pa la Ciudá de Vacaciones de Perlora
Con esti PERI propuestu, plantéguense una serie de modificaciones con respeutu al proyeutu inicial que se presentó públicamente en Candás n’Avientu de 2007. Dende Unidá Nacionalista Asturiana entendemos que ye necesario dalo a conocer a los vecinos y AVV, pa que toos puedan participar y plantegar les sos propuestes y la so opinión, favoreciendo’l debate y facilitando la participación ciudadana