UNIDÁ ve inesplicable que l’Ayuntamientu de Corvera realice obres sin permisos de los organismos competentes

La organización política denunció’l pasáu mes de Xunu na Confederación Hidrográfica del Norte (CHN) una actuación na redolada del regueru de La Estebanina por parte del Ayuntamientu de Corvera

1-Febrero-2008 Nota de prensa de UNIDÁ

L'actuación consistió en: "colocación de escollera de tierra, encima de regueru en la Subida a La Estebanina, a la altura del nº3 en Les Vegues, T.M. de Corvera de Asturias, creemos, sin contar con la previa autorización de este organismo de cuenca".

Ahora la CHN comunica tanto a UNIDÁ como denunciante de los fechos como al Ayuntamientu de Corvera que l’actuación realizada nun contó con nengún permisu por parte de la CHN, como sospechaben dende les files de l’agrupación nacionalista.

Pa UNIDÁ ye inesplicable como, tanto l’anterior equipu de gobiernu (USPC-PP) como la oposición (PSOE-IU) nel so momentu, dexaran pasar esti asuntu per altu, unos por nun siguir los trámites reglamentarios y los otros por nun facer un siguimiento esaustivu de les obres que se faen nel municipiu. Amás creemos que nengún téunicu municipal nun pueda ser capaz de robrar denguna autorización d’esta fondura ensin contar colos organismos competentes. Nel casu contrariu han derivase responsabilidades pola deficiente actuación.

UNIDÁ camienta que ye abegoso facer respetar les lleis en materia mediuambiental nesti casu cuando’l mesmu ayuntamientu de Corvera ye’l que les incumple; poro, la Coalición esixe a los dirixentes políticos qu’actúen respetando la lexislación vixente pa poder dar exemplu d’ello.

UNIDÁ

Agregue esta noticia. Marcadores sociales