Artículos relacionados

La Consejera de Medio Ambiente contesta a las críticas del lider de IU-BA-Verdes sobre la polémica de Caleras de San Cucao
La Consejera de Medio Ambiente, Belén Fernández, mostró su perplejidad por el repentino “celo medioambiental" de Valledor: “Lo que en 2006 no le mereció ningún reproche, ahora le provoca gran indignación”, afirmó la Consejer

Los Verdes acusan al Delegado de Gobierno de mentir sobre el peaje del Huerna
5-Enero-2008 Los Verdes de Asturias acusan al Delegado del Gobierno, Antonio Trevin, de sumarse públicamente a "las repetidas mentiras del diputado del PSOE Alvaro Cuesta"

Los Verdes piden a Europa que no se deje engañar por los "trileros" que gestionan El Musel
17-Diciembre-2007 Los Verdes de Asturias recuerdan que el sobrecoste de la ampliación del puerto de Gijón o El Musel, es tal sobrecoste sólo para los ciudadanos que son los que lo pagan, para las empresas adjudicatarias es un “superbeneficio”

Valledor acusa a la Conseyera de Mediu Ambiente de “querer convertir Asturies nel paraísu de los contaminadores”

El diputáu d'Izquierda Xunida-Bloque por Asturies-Los Verdes, Francisco Javier García Valledor, denunció la grave incompetencia de la Conseyera de Mediu Ambiente a la que considera direutamente responsable de la prescripción de les sanciones impuestes por infracciones ambientales graves a la empresa Caleras de San Cucao, S.A, acreditaes pola Procuradora Xeneral del Principáu d'Asturies

12-Enero-2008 Nota de prensa de IU-BA-Verdes

El Diputáu del grupu parlamentariu d'Izquierda Xunida-Bloque por Asturies-Los Verdes, Francisco Javier García Valledor, denunció la grave incompetencia de la Conseyera de Mediu Ambiente a la que considera direutamente responsable de la prescripción de les sanciones impuestes por infracciones ambientales graves a la empresa Caleras de San Cucao, S.A qu'apaezen acreditaes pola Procuradora Xeneral del Principáu d'Asturies na so resolución asoleyada a partir d'una quexa d'una Asociación de Vecinos.“La señora Belén Fernández consistió, amparó o quién sabe si promovió pola so acción u omisión que convictos y confesos infractores escontra'l mediu ambiente na nuesa Comunidá Autónoma queden impunes y eso ye intolerable”, afirmó'l Diputáu.

Valledor, calificó a Fernández como “la Conseyera escontra'l Mediu Ambiente”, señaló que l'informe de la Procuradora Xeneral revela la esistencia de graves irregularidades na xestión de les polítiques ambientales na Comunidá Autónoma. L'informe acusa testualmente al Gobiernu de dexación de funciones y arbitrariedá nes polítiques ambientales al dexar trescurrir el plazu pa la execución de la sanción escontra una empresa altamente contaminante, aforrando asina al empresariu tanto'l pagu de la multa como l'aplicación de les midíes correctores esixíes pola llexisllación ambiental, que según indico, ye la peor acusación que esti organismu pue facer escontra l'Administración. “Agora yá queda desplicar por qué la Conseyera nun actuó nel casu de los vertíos d'Avilés o n'otros comportamientos escontra'l patrimoniu ambiental. Lo que quier ye convertir Asturies nel paraísu de los contaminadores”, declaró'l Diputáu.

Valledor espresó la sospecha de que nun se trata d'un casu aisláu y afirma que tien indicios de qu'hai decenes de sanciones en materia de mediu ambiente que nun s'executaron y que yá prescribieron evitando asina que los responsables paguen les sos multes. De confirmase la sospecha habríen quedao ensin sancionar infracciones graves con daños serios pal mediu ambiente asturianu y la salú de les persones y dexar de recaudase decenes de miles d'euros pa les arques públiques. “Creo sinceramente que la Procuradora Xeneral del Principáu destapó la punta del iceberg de los expedientes sancionadores d'infracciones ambientales que prescribieron col casu de la empresa de Llanera y que si se confirma, taríamos ante un asuntu d'una enorme gravedá”.

A esti respectu presentáronse varies iniciatives na Xunta Xeneral del Principáu por parte del Diputáu García Valledor, cola intención d'escleriar está situación. En primer llugar entrúgase pola razón pola que se dió nesti casu una dexación de les funciones llegales encomendaes a l'Administración del Principáu d'Asturies na so función de protección y tutela del mediu ambiente y dejaron impunes les infracciones cometíes incurriendo n'arbitrariedá na defensa de los intereses xenerales. . En segundu llugar plantegose una solicitú d'información pa conocer l'alcance d'esti comportamientu y pa valorar l'aparente arbitrariedá qu'hai nesi ámbitu, reclamando a la Conseyería de Mediu Ambiente y Desarrollu Rural el llistáu d'espedientes incoados, les sos feches de resolución y les feches d'execución de les sanciones impuestes dende l'añu 2001.

Por últimu pisiose información acerca del llistáu de les subvenciones algamaes pola empresa sancionada, asina como por otres dos sociedaes vinculaes a la mesma, SIDERCAL, S.A. y SIDERCAL Minerales, S.A.. Valledor esplicó que una empresa sancionada nun pue acceder a la percepción de subvenciones públiques en dos años colo que'l comportamientu del Gobiernu diva ser entá mas grave si, a¡más d'aforra-y l'empresariu la multa recompensolu irregularmente cola concesión de dalgún tipu de subvención.

IU-BA-Verdes

Agregue esta noticia. Marcadores sociales