Campaña denuncia d’UNIDÁ d’Avilés escontra’l llaváu de cara d’Arcelor

La organización UNIDÁ-Avilés quier denunciar públicamente la campaña de “márketing” que la empresa Arcelor ta desendolcando col enfotu de llimpiar la so imaxe, peresfarrapada dempués de vese acusada de ser la responsable de los vertíos de galipote a la ría d’Avilés

23-Diciembre-2007 Nota de prensa de UNIDÁ d'Avilés

Pa UNIDÁ, toles midíes de proteición ambiental anunciaes agora pola empresa, nun representen más qu’un llaváu de cara que nun va torgar la repetición de nueos casos de contaminación ambiental.

D’otru llau, UNIDÁ ve con sorpresa l’actitú del Gobiernu municipal, qu’en llugar de testerar la defensa’l yá probetayu padrimoniu ñatural del conceyu, amuesa una actitú pasiva y sumisa que yá ta cafiando al conxuntu de la población avilesina.

Delantre la empresa acusada del mayor atentáu ecolóxicu que careció la ria d’Avilés, falar, comu fizo l’alcaldesa Pilar Varela, del “rigor” y la “tresparencia” d’ARCELOR, ye una braera tomadura de pelo.

Entá más, cuando’l conceyal Alfredo Iñarrea reconoció públicamente que toles midíes de proteición ambiental anunciaes por ARCELOR, nun son más que proyeutos y escritos que circulen pelos despachos de la empresa, ensin que se tean dando pasos concretos de cara la execución de les inversiones previstes en proteición ambiental.

Por ello, UNIDÁ dientro d’esta campaña, repartió a los ciudadanos avilesinos panfletos informativos y colocóse una pancarta na Plaza’l Parche, a la que correspuende la semeya anterior.

UNIDÁ

Agregue esta noticia. Marcadores sociales